Mutu 5

1Pamenepo inu khalani akutsanza Mulungu1, monga ana okondedwa, 2ndipo yendani m’chikondi, monganso Khristu anatikonda ife, ndipo anadzipereka yekha chifukwa cha ife, chopereka ndi nsembe kwa Mulungu2 kukhala fungo lonunkhira bwino. 3Komatu dama ndi chidetso chonse kapena kusadzigwira pa chilakolako, zisatchulidwe pakati panu, monga kuyenera oyera mtima; 4ndipo chinyanso ndi kulankhula zopusa, kapena nthabwala, zimene zili zosayenera; koma m’malo mwake chiyamiko. 5Pakuti ichi mwadziwitsidwa bwino lomwe, kudziwa kuti wadama, munthu wa chidetso, kapena munthu wosazigwira pa chilakolako, wopembedza mafano, alibe cholowa mu ufumu wa Khristu ndi Mulungu3. 6Munthu wina aliyense asakunyengeni inu ndi mau opanda pake, pakuti chifukwa cha izi mkwiyo wa Mulungu4 umabwera pa ana a kusamvera. 7Musatenge nawo gawo pamenepo ndi iwo; 8pakuti inu pachiyambi munali mumdima, koma tsopano ndinu kuwala mwa Ambuye; yendani monga ana a kuwala, 9 (pakuti chipatso cha kuwala ndicho ubwino ndi kulungama ndi choonadi,) 10kusonyeza chimene chili chovomerezeka kwa Ambuye; 11ndipo musayanjane ndi ntchito zopanda chipatso za mumdima, komatu m’malo mwake muzitsutse, 12pakuti zinthu zimene zikuchitika ndi iwo mseri ndi zochititsa manyazi ngakhale kuzitchula. 13Koma zinthu zonse pokhala ntchito zake zenizeni zavumbulutsidwa poyera ndi kuunika ndipo zaonekera poyera; pakuti chimene chimapangitsa chilichonse kuonekera ndiko kuwala. 14Pamenepo iye anena, Dzuka, [iwe] amene ukugona, ndipo dzuka pakati pa akufa, ndipo Khristu adzawalira iwe. 15Chomwecho penyetsetsa mosamalitsa m’mene uyendera, osati monga wopanda nzeru koma ngati wa nzeru, 16kuombola nthawi, chifukwa masiku ali oipa. 17Pachifukwa chimenechi musakhale opusa, koma kumvetsetsa kuti cholinga cha Ambuye ndi chotani. 18Ndipo musaledzere naye vinyo, m’mene muli chitayiko; koma mudzazidwe naye Mzimu, 19kudzilankhulira nokha m’masalimo ndi mayamiko ndi nyimbo za uzimu, kuyimbira ndi kusangalala m’mitima mwanu kwa Ambuye; 20kuyamika nthawi zonse kwa iye [amene ali] Mulungu5 ndi Atate pa zinthu zonse m’dzina la Ambuye wathu Yesu Kristu, 21kudzipereka nokha kwa wina ndi mzake m’kuopa Khristu.

22Akazi inu, [ziperekeni nokha] kwa amuna a inu nokha, monga kwa Ambuye, 23pakuti mwamuna ndiye mutu wa mkazi, monganso Khristu mutu wa mpingo. Isye [ali] Mpulumutsi wa thupilo. 24Koma ngakhale mpingo umvera Khristu, chimodzimodzinso akazi kwa amuna a iwo okha mu zonse. 25Amuna inu, kondani akazi a inu nokha, monganso Khristu anakonda mpingo, ndipo anadzipereka yekha chifukwa cha mpingowo, 26cholinga kuti akaupatule, akauyeretse mwa kutsukidwa ndi madzi ndi mau, 27kuti Iye akaunonetsere mpingowo kwa iye yekha ulemelero, wopanda banga, kapena khwinya, kapena zinthu zotere; koma kuti ukakhale woyera ndi wopanda chilema. 28Chomwechonso amuna akuyenera kukonda akazi a iwo eni monga matupi awo: iye amene akonda mkazi wake azikonda yekha. 29Pakuti palibe munthu amene adana nalo thupi lake, komatu amalisunga ndi kulilera, monganso Khristu achita ndi mpingo: 30pakuti ife ndi ziwalo za thupi lake; [ndife a thupi lake, ndi mafupa ake.] 31Chifukwa cha ichi mwamuna azasiya atate wake ndi amake, ndipo adzaphatikana ndi mkazi wake, ndipo awiriwa adzakhala thupi limodzi. 32Chinsinsi ichi ndi chachikulu, koma ine ndilankhula za Khristu, ndi mpingo. 33Komanso inu, aliyense wa inu, akonde mkazi wake monga iye mwini; koma kwa mkaziyo [ndilankhula] kuti aziopa mwamuna wake.