Mutu 3

1Wokondedwa, kalata uyu wachiwiri, ndikulemberani, m’makalata onse awiri ndatsitsimutsa mitima yanu, kukukumbutsani, m’malingaliro anu angwiro, 2kukhala osamalitsa pa mau olankhulidwa ndi aneneri oyera, ndi lamulo la Ambuye ndi Mpulumutsi ndi atumwi anu; 3podziwa ichi koyamba, kuti adzafika masiku omaliza anthu onyoza ndi mnyozo wao, oyenda molingana ndi zilakolako za eni okha, 4ndi kunena, Kodi lili kuti lonjezano la kubwera kwake? Pakuti kuyambira nthawi imene makolo anu anagona zinthu zonse zinakhalabe chomwecho kuyambira pa chiyambi cha chilengedwe. 5Pakuti ichi chabisidwa kwa iwo mwa chifuniro chao, kuti miyamba inakhala kuyambira kale, ndi dziko lapansi, lidakonzedwa kuchoka m’madzi ndi mau a Mulungu1, 6limene kudzera m’madzi pamenepo dziko lapansi, lomizika ndi madzi linaonongeka. 7Koma miyamba yatsopano ndi dziko lapansi mwa mau ake zasungika, kusungikira moto kufikira tsiku la chiweruzo ndi chionongeko kwa anthu osapembedza. 8Koma kanthu kamodzi aka kasabisike kwa inu, okondeka, kuti tsiku limodzi ndi Ambuye lili ngati zaka chikwi, ndipo zaka chikwi ngati tsiku limodzi. 9Ambuye sachedwa ndi lonjezo lake, monga ena ayesa chizengerezo, koma apilira pa inu, osafuna kuti wina wa inu awonongeke, koma kuti onse akadze ku kulapa. 10Koma tsiku la Ambuye likudza monga wakuba, limene miyamba idzapita ndi phokoso la mabingu, ndi zinthu za m’dziko, zidzapsa ndi kutentha, ndi kunyeketsedwa, ndipo dziko lapansi ndi ntchito zake zidzatenthedwa.

11Zinthu zonse izi pamenepo zidzaonongedwa, muyenera inu kukhala anthu otani nanga, m’mayendedwe opatulika ndi opanda umulungu2, 12kudikilira ndi kufulumira kwa tsiku la kubwera kwa Mulungu3, pa chifukwa ichi miyamba, poyaka moto, idzanyeketsedwa, ndi zinthu za m’dziko, zidzapsa ndi kutentha, ndi kunyeketsedwa? 13Koma, kolingana ndi lonjezo lake, ife tilindira miyamba yatsopano ndi dziko lapansi latsopano, m’mene mukhala chilungamo. 14Pamenepo, okondedwa, pamene mudikira zinthu zimenezi, chitani changu kupezeka kwa iye mu mtendere, opanda banga ndi chilema; 15ndipo lingalirani kupilira kwa Ambuye [kukhala] chipulumutso; molingana ndi m’bale wathu wokondeka Paulo anakulemberaninso inu kolingana ndi nzeru imene inapatsidwa kwa iye, 16monganso m’makalata ake onse, kulankhula m’menemo zinthu izi; zimene zina mwa izo ndi zovuta kuzimvetsa, zimene osaphunzira ndi osakhazikika apotoza, monganso malemba ena, mwa kuonongeka kwao komwe.

17Inuyo pamenepo, okondedwa, podziwa zinthu zimenezi kuchoka pachiyambi, chenjerani, posokonezedwa ndi kulakwa kwa anthu oipa, mungagwe kusiya kukhazikika kwanu: 18koma kulani m’chisomo, ndi m’chidziwitso cha Ambuye ndi Mpulumutsi wathu Yesu Khristu. Kwa iye kukhale ulemelero tsopano ndi nthawi zonse. Amen.