Mutu 4

1Chotero kuti, abale anga, okondedwa ndi osowedwa, chimwemwe changa ndi korona wanga, chomwecho chilimikani mwa Ambuye, okondedwa. 2Ndilangiza Euodiya, komanso ndilangiza Suntuke, akhale ndi malingaliro ofanana mwa Ambuye;? 3inde, ndifunsanso iwe, mzanga weniweni wa mgoli, thandizira iwo, amene akhala akukangalika ndi ine mu uthenga wabwino, ndi Kilementiyonso, ndi antchito amzanga, amene maina awo ali m’buku la moyo.

4Kondwerani mwa Ambuye nthawi zonse: ndibwerezanso kondwerani. 5Kufatsa kwanu kudziwike kwa anthu onse. Ambuye ali pafupi. 6Musadere nkhawa kalikonse, koma mu zonse, mwa pemphero ndi pembedzero ndi kuyamika, zopempha zanu zidziwike kwa Mulungu1; 7ndipo mtendere wa Mulungu2, umene uposa chidziwitso chonse, udzayang’anira mitima yanu ndi malingaliro anu mwa Khristu Yesu. 8Chotsalira abale, zinthu zonse zimene zili zoona, zinthu zonse zimene zili zolemekezeka, zinthu zonse zimene zili zolungama, zinthu zonse zimene zili zangwiro, zinthu zonse zimene zili za msangala, zinthu zonse zimene zili nkhani yabwino; ngati kuliko kumvera ndi kuyamika kulikonse, ganizirani zinthu zimenezi. 9Zimene munaphunzira, ndi kuzilandira, ndi kuzimva ndi kuziona mwa ine, zimenezo chitani; ndipo Mulungu3 wa mtendere adzakhala ndi inu. 10Komatu ndinakondwera mwa Ambuye kwambiri, kuti tsopano kwa nthawi yaitali munatsitsimuka polingalira za ine, ngakhale moonadi munalingalira za ine, koma mpata simunaupeze. 11Sikuti ndikulankhula zokhudza kuperewedwa kwanu, pakuti kwa ine ndaphunzirako mu nyengo imene ine ndili, kukhutitsidwa mwa ine ndekha. 12Pakuti ndidziwa ngakhale kupeputsidwa ndiponso ndadziwa kukhazikika. Mu zinthu zonse ndaphunzitsidwa kukhala wokhuta ndi kukhala wa njaIa, kukhala wokhazikika ndi kumva kuperewedwa. 13Ndili nayo mphamvu pa zinthu zonse mwa iye amene amapereka mphamvu. 14Komatu mwachita bwino kutenga gawo m’masautso anga. 15Ndipo dziwaninso, Afilipi inu, kuti pachiyambi pa uthenga wabwino, pamene ndinatuluka mu Makedoniya, palibe mpingo umene unalumikizana ndi ine munjira yopereka ndi kulandira kupatula inu nokha; 16pakutinso m’Tesalonika kamodzi ngakhalenso kawiri munanditumizira zokhudza zosowa zanga. 17Sikuti ndi kufuna mphatso, koma ndikufuna chipatso chokhazikika chowerengedwa kwa inu. 18Komatu ndili nazo zinthu zodzadza ndi zochuluka; ndine wodzala, nditalandira kwa Epafrodito zinthu zimene zinatumizidwa ndi inu, zonunkhira za fungo labwino, nsembe yovomerezeka, yolandirika kwa Mulungu4. 19Koma Mulungu5wanga adzakwaniritsa mochuluka zosowa zanu molingana ndi kulemera kwa chisomo mwa Khristu Yesu. 20Koma kwa Mulungu6 ndi Atate wathu kukhale ulemelero ku nthawi za nthawi. Amen.

21Perekani malonje kwa oyera mtima mwa Khristu Yesu. Abale amene ali ndi ine akupereka malonje awo kwa inu. 22Oyera mtima onse akupereka malonje awo kwa inu, ndipo makamaka a mnyumba ya Kayisara. 23 Chisomo cha Ambuye Yesu Khristu chikhale ndi mzimu wanu. Amen.