Mutu 1

1Paulo, mtumwi wa Yesu Khristu, mwa chifuniro cha Mulungu1, ndi Timoteyo m’baleyo, 2kwa abale oyera ndi okhulupirika mwa Khristu amene ali m’Kolose. Chisomo kwa inu ndi mtendere zochokera kwa Mulungu2 Atate wathu [ndi Ambuye Yesu Khristu].

3Tipereka mayamiko kwa Mulungu3 ndi Atate wa Ambuye wathu Yesu Khristu kosalekeza pamene tikupempherera inu, 4pakumva za chikhulupiliro chanu mwa Khristu Yesu, ndi chikondi chimene muli nacho pa oyera mtima onse, 5pokhudzana ndi chiyembekezo chimene chayikidwa kwa inu m’miyamba; chimene munachimva kale m’mau a choonadi a uthenga wabwino, 6umene unafikira kwa inu, monga iwo onse ali mdziko lapansi, ndipo akubereka chipatso ndi kukula, monganso pakati panu, pamene inu munawamva iwo ndi kudziwadi chisomo cha Mulungu4, m’choonadi: 7monganso munaphunzira kwa Epafra kapolo mnzathu wokondedwa, amene ali mtumiki wokhulupirika wa Khristu kwa inu, 8amenenso waonetsera kwa ife chikondi chanu mu Mzimu.

9Pachifukwa chimenechi ifenso, kuchokera tsiku limene tinamva za chikhulupiliro chanu ndi chikondi chanu, sitinasiye kukupemphererani ndi kufunsira za inu, kufikira kumapeto kuti inu mukadzale ndi chidziwitso chonse cha chifuniro chake, mu nzeru zonse ndi kumvetsetsa mwa uzimu, 10kuti mukayende koyenera Ambuye mukankondweretse monsemo, kubereka chipatso mu ntchito yonse yabwino, ndi kukula mwa chidziwitso chenicheni cha Mulungu5; 11kulimbikitsidwa ndi mphamvu zonse kolingana ndi mphamvu ya ulemelero wake kwa onse akupilira ndi kuleza mtima mwa chimwemwe; 12kulemekeza Atate, amene watilimbikitsa kukagawa gawo la oyera mtima m’kuunika, 13amene watimasula ku ulamuliro wa mdima, natimasulira ife mu ufumu wa Mwana wa chikondi chake: 14mwa ameneyo ife tili nawo maomboledwe, kukhululukidwa kwa machimo; 15amene ali chifanizo cha Mulungu6 wosaoneka, mwana woyamba kubadwa pa chilengedwe chonse; 16chifukwa mwa iye zinthu zonse zinalengedwa, zinthu zonse za m’miyamba ndi zinthu za padziko lapansi, zooneka ndi zosaoneka, kaya mipando ya chifumu, kapena maufumu, kapena maukulu, kapena maulamuliro: zinthu zonse zinalengedwa ndi iye komanso kwa iye. 17Ndipo iye ali pamaso pa onse, ndipo zinthu zonse zigwirizana mwa iye. 18Ndipo iye ndi mutu wa thupi, mpingo; amene ali chiyambi, mwana woyamba kuchokera pakati pa akufa, kuti akakhale malo oyambilira mu zinthu zonse: 19pakuti mwa iye uthunthu onse [wa chikhalidwe cha uMulungu7] unakondwera kukhalamo, 20ndipo mwa iye kukayanjanitsa zinthu zonse mwa iye yekha, pakubweretsa mtendere mwa mwazi wa mtanda wake — mwa iye, kaya zinthu za dziko lapansi kapena zinthu za m’miyamba. 21Ndipo inu, amene pachiyambi munali alendo ndi adani m’malingaliro mwa ntchito zoipa, komabe tsopano mwayanjanitsidwa 22mwa thupi lake la mnofu kudzera mu imfa; kukakuonetserani inu oyera ndi opanda banga ndi osasutsika pamaso pake, 23komadi ngati mukhala m’chikhulupiliro okhulupirika ndi okhazikika, ndi osasunthika ku chiyembekezo cha uthenga wabwino, umene inu munaumva, umene unalalikidwa ku chilengedwe chonse chimene chili pansi pa thambo, umene ine Paulo ndinakhala mtumiki.

24Tsopano, ndikondwera nanu m’masautso, ndipo ndikwaniritsa chimene chili kuseri kwa mazunzo a Khristu mthupi langa, pakuti thupi lake, limene ndi mpingo; 25umene ine ndinakhala mtumiki, molingana ndi kuzivumbulutsira kwa Mulungu8 kumene kunapatsidwa kwa ine kukatsirizitsa mau a Mulungu9, 26chinsinsi chimene chinabisidwa kuyambira nthawi yakale komanso ku mibadwo, koma tsopano chavumbulutsidwa kwa oyera mtima ake; 27kwa amene Mulungu10 anawadziwitsiratu kulemera kwa ulemelero wa chinsinsi chimenechi pakati pa mitundu, chimene ndi Khristu mwa inu chiyembekezo cha ulemelero: 28amene ife tilalikira, kuchenjeza munthu wina aliyense, ndi kuphunzitsa munthu wina aliyense, mu nzeru zonse, kufikira kumapeto kuti tikaonetsere munthu wina aliyense wangwiro mwa Khristu. 29Pachimenechinso ine ndigwiritsa ntchito, kulimbana molingana ndi machitidwe ake, amene amagwira ntchito mwa ine mwa mphamvu.