Mutu 1

1Paulo ndi Timoteyo, akapolo a Yesu Khristu, kwa oyera mtima onse amene ali ku Filipi, pamodzi ndi oyang’anira ndi atumiki; 2chisomo kwa inu, ndi mtendere zochokera kwa Mulungu1 Atate wathu ndi Ambuye Yesu Khristu.

3Ndiyamika Mulungu2 wanga pokumbukira inu kwathunthu, 4posatopa m’mapemphero anga, kukupembedzerani inu nonse ndi chimwemwe, 5chifukwa cha chiyanjano chanu ndi uthenga, kuyambira tsiku loyamba kufikira pano; 6pokhulupira pa chinthu chomwechi, kuti iye amene wayamba ntchito yabwino mwa inu adzayimaliza kufikira tsiku la Yesu Khristu: 7monga kuli chilungamo kwa ine kuganizira ichi monga kwa inu nonse, chifukwa m’mitima mwanu muli ine, ndi kuti mu nsinga zanga ndi chozikanira ndi kutsimikizira kwa uthenga wabwino nonsenu muli otenga nawo gawo m’chisomo changa. 8Pakuti Mulungu3 ndi mboni yanga kuti ndifunitsitsa kuti inu nonse mukhale m’chifundo cha Khristu Yesu.

9Ndipo chimenechi ndipemphera, kuti chikondi chanu chimangililike mopsoza m’chidziwitso chonse ndi kuzindikira konse, 10kuti mukaweruze ndi kutsimikizira zinthu zimene zili zabwino kwambiri cholinga kuti mukakhale angwiro ndi opanda mlandu patsiku la Khristu, 11pokhala aphumphu monga chipatso cha chilungamo, chimene chili mwa Yesu Khristu, ku ulemelero ndi matamando a Mulungu4.

12Koma ndifunitsitsa kuti inu mudziwe, abale, kuti nyengo zimene zidapangitsa kuthandizira kukuza uthenga wabwino, 13cholinga kuti nsinga zikaonetsedwe monga mwa Khristu m’mbwalo lonse la alonda ndi kwa ena onse; 14ndi kuti unyinji wa abale, pokhulupilira mwa Ambuye kudzera mu nsinga zanga, kuti mukakhoze kulankhula kwambiri mau a Mulungu5 mopanda mantha. 15Enanso alalikira mwa kaduka ndi mikangano, koma enanso ndi cholinga chabwino, alalikira Khristu. 16Amenewadi mwa chikondi, podziwa kuti ndakonzeka kutchinjiriza uthenga wabwino; 17komatu amene alalikira Khristu kuchokera m’chotetana osati m’choonadi, kumaonjezera chizunzo cha nsinga zanga. 18Pamenepo nchiyani ichi? Pa mlingo ulionse, mwa njira ina iliyonse, kaya mwa chiphamaso kapena m’choonadi, Khristu akulalikidwa; ndipo mu chimenechi ndikondwera ine, inde, ndikondweranso; 19pakuti ndidziwa kuti chimenechi chidzasandulika kwa ine chipulumutso, kudzera m’pembedzero lanu komanso kuperekedwa kwa Mzimu wa Yesu Khristu; 20molingana kulindira ndi kudikira mwachidwi ndi chiyembekezo, kuti sindizachita manyazi mu kalikonse, koma mkulimba mtima konse, monga nthawi zonse, tsopanonso Khristu adzakwezedwa m’thupi langa kaya pokhala ndi moyo kapena mwa imfa. 21Pakuti kwa ine kukhala ndi moyo ndi Khristu, ndipo kufa ndi phindu; 22koma ngati kukhala m’thupi [ndilo phindu langa], chimenechi kwa ine chipindula kwa nthawi yochepa: ndipo chimene ndiyenera kusankha sindingachinene. 23Komatu ndapanikizidwa ndi zonse ziwirizi, kukhala ndi chikhumbombo chofuna kuchoka, ndi kukhala ndi Khristu, pakuti chimenechi chili bwino koposa, 24koma kukhalabe mthupi ndi kofunikirabe kwambiri chifukwa cha inu; 25ndipo pokhala nacho chikhulupiliro pa ichi, ndikudziwa kuti ndidzakhalabe ndi kukhazikika pamodzi ndi inu nonse, pa kuchita bwino ndi chimwemwe chanu m’chikhulupiliro; 26kuti kudzitamandira kwanu kukhalebe mwa Khristu Yesu kudzera mwa ine pakupezekanso kwanga pakati panu. 27Chokhachi yendani inu nokha koyenera uthenga wabwino wa Khristu, cholinga kuti kaya pobwera kudzakuonani, kapena ine palibepo, ndikamve zimene zimakukhudzani inu, kuti mukaimikike mu mzimu m’modzi, ndi moyo umodzi, kugwiritsa ntchito ndi kulimbana pamodzi ndi chikhulupiliro cha uthenga wabwino; 28ndipo osaopsezedwa m’kalikonse ndi otitsutsawo, chimene kwa iwo ndi chisonyezo cha chionongeko, koma kwa inu chipulumutso, ndipo chochokera kwa Mulungu6; 29chifukwa kwa inu kwapatsidwa, monga mwa Khristu, osati kungokhulupilira pa iye komanso kumva zowawa chifukwa cha iye, 30 kukhala nako kulimbana kofanana kumene mwaona mwa ine, ndi kumene tsopano mwamva mwa ine.