Mutu-2

1Pakuti mudziwa inu nokha, abale, malowedwe athu kwa inu, kuti sanakhale opanda phindu; 2koma titazunzidwa poyamba ndi kunyozedwa, monganso inu mukudziwa, m’Filipi, tinakhala olimba mtima mwa Mulungu1 wathu kulankhula kwa inu uthenga wabwino wa Mulungu2 ndi kulimbana kwakukulu. 3Pakuti kulangiza kwathu sikunali kwa chinyengo, kapena kwa chidetso, kapenanso kwa utambwali; 4koma ngakhale ife tinavomerezeka ndi Mulungu3 kukhala ndi uthenga wabwino oikizidwa kwa ife, chotero tilalikira; osati mosangalatsa anthu, koma Mulungu4, amene amayesa mitima. 5Pakuti palibe nthawi imene tinakhala pakati panu ndi mau osyasyalika, monganso inu mukudziwa, kapenanso ndi chinyengo, Mulungu5 ndiye mboni yanga; 6kapenanso kufuna ulemu kuchoka kwa anthu, kapena kwa inu mwinanso kwa anthu ena, pamene tinapatsidwa mphamvu monga atumwi a Khristu; 7komatu tinakhala odekha pakati panu, monga mlezi asamalira ana ake. 8Chomwecho, pokhala nacho chikhumbokhumbo pa inu, tapeza chisangalalo chathu poikiza mwa inu osati uthenga wabwino wa Mulungu6 okha, komanso miyoyo yathu, chifukwa inu munakhala okondedwa kwa ife. 9Pakuti inu mukukumbukira, abale, ntchito yathu ndi kuvutika kwathu: kugwira ntchito usiku ndi usana, kuti tisakhale chipsinjo kwa aliyense wa inu, ife tinalalikira kwa inu uthenga wabwino wa Mulungu7. 10Inuyo ndi mboni, ndi Mulungu8, m’mene tinadziperekera ndi chilungamo ndi kukhala opanda banga kudzionetsera tokha kwa inu amene munakhulupilira: 11monga mudziwa umo, tate achitira pa ana ake, tinalangiza wina aliyense wa inu, ndi chitonthozo ndi kuchitira umboni, 12kuti mukayende koyenera ndi Mulungu9, amene anakuitanani inu mu ufumu wake ndi ulemelero wake. 13Ndipo pachifukwa chimenechi tiyamikanso Mulungu10 kosaleka kuti, pamene munalandira mau a uthenga wa Mulungu11 kuchokera kwa ife, munawavomereza, osati mau a anthu, koma, monga ali oonadi, Mau a Mulungu12, amenenso amagwira ntchito mwa inu amene mwakhulupilira. 14Pakuti inu, abale, mwakhala otsanza mipingo ya Mulungu13 imene ili m’Yudeya mwa Khristu Yesu; pakuti inunso mwavutika zinthu zomwezo za anthu a mtundu wanu monganso iwo a kwa Ayuda, 15iwo onse amene anamupha Ambuye Yesu ndi aneneri, ndipo anatithamangitsa ife mwa chizunzo, ndipo sanasangalatse Mulungu14, ndipo akutsutsana ndi anthu onse, 16kutiletsa ife kulankhula kwa amitundu kuti akapulumutsidwe, kuti akadzadze machimo awo nthawi zonse: koma mkwiyo wafikira iwo kufikira chimaliziro.

17Komatu ife, abale, titakhulupilira pa inu ndi kulekanitsidwa mthupi mwa kanthawi, osati mu mtima, koma tayetsetsa zedi kuona nkhope yanu ndi chikhumbokhumbo chachikulu; 18pamenepo tafunitsitsa kubwera kwa inu, ngakhale ine Paulo, kamodzi konse ngakhale kawiri konse, koma Satana anatitsekereza ife. 19Pakuti chili chiyani chiyembekezo chathu, kapena chimwemwe chathu, kapena korona wathu kuti tizitamandire? Kodi inu simuli pamaso pa Ambuye Yesu ndi kubwera kwake? 202 pakuti ndinu ulemelero wathu ndi chimwemwe chathu.