Mutu 3

1Pachifukwa chimenechi ine Paulo, ndine wandende wa Khristu Yesu kwa inu amitundu, 2(ngatitu munamvadi za udindo wa chisomo cha Mulungu1 chimene ine ndinapatsidwa chifukwa cha inu, 3kuti mwa vumbulutso la chinsinsi chimene chinavumbulutsidwa kwa ine, (molingana ndi m’mene ndinalembera mwachidule, 4chimene pa kuwerenga, mukhoza kumvetsetsa chidziwitso changa mwa chinsinsi cha Khristu,) 5chimene sichinadziwike kwa ana a anthu, monga kunavumbulutsidwa kwa atumwi ndi aneneri ake oyera mu [mphamvu ya] Mzimu, 6kuti [iwo amene ali] amitundu ali olowa pamodzi mnyumba, ndi thupi lokhala pamodzi, ndi olowa pamodzi mu lonjezano mwa Khristu Yesu kudzera mu uthenga wabwino; 7umene ine ndakhala mtumiki wake molingana ndi mphatso ya chisomo cha Mulungu2 chopatsidwa kwa ine, molingana ndi machitachita a mphamvu zake. 8Kwa ine, wochepetsetsa kwa ochepa onse a oyera mtima, chisomo chimenechi chaperekedwa kwa ine, kulengeza pakati pa amitundu uthenga wabwino wa chuma chosalondoleka cha Khristu, 9ndi kuzindikiritsa onse [ndi chidziwitso cha] makonzedwe a chinsinsi chobisika kuyambira kale mwa Mulungu3, amene analenga zinthu zonse, 10cholinga kuti tsopano maukulu ndi maulamuliro a zam’mwamba zidziwike mu mpingo nzeru zonse zosiyanasiyana za Mulungu4, 11molingana ndi cholinga cha nyengozo, anachita mwa Khristu Yesu Ambuye wathu, 12amene mwa iye tili nako kulimbika mtima ndi chiyandiko cha chikhulupiliro cha mwa iye. 13Mwa ichi ndikupemphani inu kuti musade nkhawa ndi m’zisautso zanga kwa inu, ndiwo ulemelero wanu. 14Pachifukwa chimenechi ndipinda maondo anga kwa Atate [wa Ambuye wathu Yesu Khristu], 15ameneyo banja lililonse la m’mwamba ndi pansi pano litchulidwapo, 16cholinga kuti akakupatseni molingana ndi kulemera kwa ulemelero wake, kulimbikitsidwa ndi mphamvu mwa Mzimu wake wokhala mkati mwa munthu; 17kuti Khristu akakhalemo, mwa chikhulupiliro, m’mitima mwanu, kuzikika ndi kutsendereka m’chikondi, 18cholinga kuti mukakhoze kwathunthu kuzindikira pamodzi ndi oyera mtima onse chimene ndi kupingasa, ndi kutalika, ndi kuya ndi kukwera; 19ndi kudziwa chikondi cha Khristu chimene chimaposa mazindikiridwe; kuti mukazadzidwe [ngakhale] ku uthunthu onse wa Mulungu5. 20Koma kwa iye amene angathe kuchita koposa pamwamba pa zonse zimene tingafunse kapena kuganizira, molingana ndi mphamvu imene imagwira ntchito mwa ife, 21 kwa iye ukhale ulemelero mu mpingo ndi mwa Khristu Yesu ku mibadwo yonse ya nthawi za nthawi. Amen.