Mutu 3

1Agalatiya opusa inu, ndani amene anakulodzani; kwa inu, amene Yesu Khristu anaonetsedwa pamaso panu, wopachikidwa [pakati panu]? 2Ichi chokha ndifuna kuphunzira kwa inu, kodi munalandira Mzimu pa mfundo ya ntchito ya lamulo, kapena pakumva mwa chikhulupiliro? 3Kodi ndinu opusa chotere? Munayamba mu Mzimu, kodi mufuna kutsiriza m’thupi? 4Kodi mudamva zowawa zambiri kwachabe, ngatidi ndi kwachabe? 5Pamenepo Iye amene atumikira kwa inu Mzimu, ndipo achita zozizwa pakati panu, [kodi zili] pa mfundo ya ntchito za lamulo, kapena pakumva mwa chikhulupiliro? 6Monga Abrahamu anakhulupilira Mulungu1, ndipo chinatengedwa kwa Iye monga chilungamo. 7Pamenepo dziwani kuti pa mfundo ya chikhulupiliro, amenewa ndi ana a Abrahamu; 8ndipo malemba, pooneratu kuti Mulungu2 adzalungamitsa mitundu pa mfundo ya chikhulupiliro, analalikiratu uthenga wabwino kwa Abrahamu: mwa iwe mitundu yonse idzadalitsika. 9Kotero kuti iwo amene ali pa mfundo ya chikhulupiliro adalitsika pa kukhulupilira Abrahamu. 10Pakuti pamene ambiri ali pa mfundo ya ntchito za lamulo ali pansi pa thembelero. Pakuti kwalembedwa, Wotembeleredwa aliyense wosakhala mu zonse zolembedwa m’buku la chilamulo kuti azichite; 11komatu kuti mwa lamulo palibe amene amalungamitsidwa mwa Mulungu3, chifukwa wolungama adzakhala ndi moyo mwa mfundo ya chikhulupiliro; 12koma lamulo silili pa mfundo ya chikhulupiliro; koma, wakuzichita izi adzakhala ndi moyo mwa izo. 13Khristu anatiombola ife ku thembelero la chilamulo, litabweretsa thembelero kwa ife, (pakuti kunalembedwa, wotembereredwa aliyense wopachikidwa pa mtengo,) 14kuti dalitso la Abrahamu likabwere kwa amitundu mwa Khristu Yesu, kuti tikalandire lonjezano la Mzimu mwa chikhulupiliro.

15Abale, (ndilankhula monga munthu,) ngakhale lonjezano lotsimikizika la munthu palibe amaliyika pambali, kapena kuphatikizirapo pa ilo. 16Koma kwa Abrahamu malonjezano ananenedwa, ndi kwa mbeu yake: sakunena, ndi kwa mbeu zake, monga zambiri; koma monga imodzi, ndi kwa mbeu yako; imene ndi Khristu. 17Tsopano ndinena ichi, Lonjezano lotsimikiziratu mwa Mulungu4, lamulo, limene linayikidwa patatha zaka mazana anayi mphambu makumi atatu, silinathetse lamulolo, kotero kuti likapangitse lonjezano kukhala lopanda phindu. 18Pakuti ngati cholowa chili pa mfundo ya lamulo, sichilinso pa mfundo ya lonjezano; koma Mulungu5 anapereka ilo mwa chisomo kwa Abrahamu mwa lonjezano. 19Chifukwa chiyani pali lamulo pamenepo? Lamulo linaphatikizidwa chifukwa cha zolakwa, kufikira mbeu inabwera kwa iye amene lonjezano linapangidwira, kukhazikitsidwa mwa angelo m’manja mwa mkhalapakati. 20Koma nkhalapakati sali m’modzi, koma Mulungu6 ndiye m’modzi.

21Kodi lamulo pamenepo litsutsana ndi lonjezano la Mulungu7? Musaganize choncho. Pakuti ngati chilamulo chikanapatsidwa kukatsutsa, pamenepodi chilungamo chikanakhala pa mfundo ya lamulo; 22koma lemba linatseka zinthu zonse pansi pa uchimo, kuti lonjezano, pa mfundo ya chikhulupiliro cha Yesu Khristu, chiperekedwe kwa iwo amene akhulupilira. 23Koma chikhulupiliro chisanabwere, tinasungika pansi pa lamulo, kutsekedwa ku chikhulupiliro chimene chinayenera kuvumbulutsidwa. 24Kotero kuti lamulo linakhala namkungwi kutifikitsa kwa Khristu, kuti tikalungamitsidwe pa mfundo ya chikhulupiliro. 25Koma chikhulupiliro chitabwera, sitilinso pansi pa namkungwi; 26pakuti inu nonse ndinu ana a Mulungu8 mwa chikhulupiliro cha mwa Khristu Yesu. 27Pakuti inu, amene munabatizidwa mwa Khristu, munavala Khristu. 28Palibe Myuda kapena Mhelene; palibe kapolo kapena mfulu; palibe mkazi kapena mwamuna; pakuti inu nonse muli amodzi mwa Khristu Yesu: 29koma ngati inu muli a Khristu, pamenepo ndinu mbeu ya Abrahamu, olowa m’nyumba molingana ndi lonjezano. 1Elohimu2Elohimu3Elohimu4Elohimu5Elohimu6Elohimu7Elohimu8Elohimu