Mutu 3

1Pamenepo, abale oyera mtima, otenga nawo gawo m’maitanidwe akumwamba, lingalirani za Mtumwi ndi Mkuluwansembe wa chivomerezo chathu, Yesu, 2amene ali wokhulupirika kwa iye amene adamuikayo, monganso Mose mnyumba yake yonse. 3Pakuti iye wawerengedwa woyenera ulemelero waukulu kuposa Mose, monga momwe womanga nyumba ali nawo ulemu waukulu kuposa nyumbayo. 4Pakuti nyumba iliyonse inamangidwa ndi wina wake; koma iye amene anamanga zinthu zonse [ndi] Mulungu1. 5Ndipo Mosedi [anali] wokhulupirika mnyumba yake yonse, monga kapolo wotumikira, pa umboni wa zinthu zonenedwa patsogolo; 6koma Khristu, monga Mwana woyang’anira nyumba yake, nyumba imene ife tili, ngatidi tigwiritsitsa kulimbika mtima ndi kudzitamandira pa chiyembekezo chokhazikika kufikira mapeto.

7Momwemo, ngakhale monga analankhulira Mzimu Woyera, Lero ngati udzamva mau ake, 8usaumitse mtima wako, monga kupsetsa mtimawo, m’tsiku la yesero m’chipululu; 9m’mene makolo anu anandiyesa [ine], pondivomereza [ine], ndi kuona ntchito zanga zaka makumi anayi. 10Momwemo ndinakwiya nawo m’badwowu, ndi kunena, Iwo amalakwitsa mu mtima mwao; ndipo iwo sanadziwe njira zanga; 11chotero ndilumbira mu mkwiyo wanga, Ngati adalowa mu mpumulo wanga. 12taonani, abale, kapena alipo wina wake pa inu wa mtima woipa wosakhulupirira, kuchoka kwa Mulungu2 wa moyo. 13Komatu muzilimbikitse nokha tsiku lililonse, ngati tsikulo likutchedwa Lero, kuti aliyense wa inu asaumitsidwe ndi chinyengo cha tchimo. 14Pakuti ife tinakhala abwenzi a Khristu ngatidi tigwiritsitsa zedi chiyambi cha chitsimikizo chathu kufikira mapeto; 15m’menemo kunanenedwa, Lero ngati mudzamva mau ake, musaumitse mitima yanu, monga pakupsetsa mtima; 16(pakuti ndani, amene, pakumva mau, amapsetsa mtima? Koma kodi sionse aja amene anatuluka mu Aigupto ndi Mose? 17Ndipo iwo anakwiya nawo kwa zaka makumi anayi? Kodi sanali iwo amene anachimwa, amene mitembo yawo inagwa m’chipululu? 18Ndipo kwa amene iye anawalumbirira kuti asalowe mu mpumulo wake, koma kwa iwo amene sanamvere mau? 19 Ndipo tiona kuti sanathe kulowa chifukwa chosakhulupirira;)