Mutu-2

1Pakuti ine ndifuna mudziwe nkhawa imene ndili nayo pa inu, ndi iwo a m’Laodikaya, ndi iwo ochuluka amene sanathe kuona nkhope yanga m’thupi; 2kufikira kumapeto kuti mitima yawo ikalimbikitsidwe, kulumikizidwa pamodzi m’chikondi, ndi mkulemera konse kwa chitsimikizo chathunthu cha kumvetsetsa, ku chidziwitso chathunthu cha chinsinsi cha Mulungu1; 3m’mene mwabisidwa chuma chonse cha nzeru ndi cha chidziwitso. 4Ndipo ndilankhula ichi kufikira kumapeto kuti aliyense asakunyengeni inu ndi malankhulidwe okopa. 5Pakuti ngatidi m’thupi sindipezeka pakati panu, komabe ndili nanu pamodzi mu mzimu, kukondwera ndi kuona dongosolo lanu, ndi chilimbiko cha chikhulupiliro chanu mwa Khristu. 6Monga pamenepo inu mwalandira Khristu, Yesu Ambuye, yendani mwa iye, 7ozikika ndi kumangilirika mwa iye, ndi kusimikizika m’chikhulupiliro, monga inu mwaphunzitsidwa, kukhalabe m’menemo ndi chiyamiko. 8Onetsetsani aliyense asakusocheretseni monga wokadzulidwa kudzera m’miyambo ndi chinyengo chopanda pake, molingana ndi chiphunzitso cha anthu, molingana ndi mfundo zachinyengo za dziko lapansi, ndipo osati molingana ndi Khristu. 9Pakuti mwa iye mukhala chidzalo cha chikhalidwe cha umulungu3 mthupi; 10ndipo ndinu aphumphu mwa iye, amene ali mutu wa maukulu onse ndi maulamuliro onse, 11mwa iyenso mwadulidwa ndi mdulidwe osati wa padzanja, kuchotsa mnofu wa pathupi, koma mdulidwe wa Khristu; 12kuikidwa naye pamodzi mu ubatizo, m’mene inu mwaukitsidwanso naye kudzera m’chikhulupiliro cha kuchita mwa Mulungu2 amene anamuukitsa iye pakati pa akufa. 13Ndipo inu, pokhala akufa m’zolakwa ndi mumdulidwe wa thupi lanu, anakupatsani moyo pamodzi ndi iye, atatikhululukira ife tonse mzolakwa; 14atafufuta malamulo olembedwa pamanja amene anaikidwa kutitsutsa ife, amene anali otisiyanitsa ife, iye anawachotsanso panjira pathu, atawakhomera pa mtanda; 15atasokoneza maukulu ndi maulamuliro, anawaonetsera iwo poyera, nawatsogolera m’chipambano mwa iwo.

16Musalole munthu akuweruzeni mu nyama kapena mu chakumwa, kapena za phwando, kapena mwezi, kapena sabata, 17zimene ndi chithunzithunzi cha zinthu zimene zikubwera; koma thupi ndilo la Khristu. 18munthu aliyense asakunyengeni kukulandani mphoto yanu, kuchita chifuniro chake modzichepetsa ndi kulambira angelo, kulowa mu zinthu zimene sanazione, kutengeka pachabe ndi malingaliro a thupi lake, 19ndi kusagwiritsa mwachangu mutuwo, umene thupi lonse, litumikira ndi kulunzanitsidwa pamodzi ndi molumikizira mafupa komanso mitsempha, kukula m’makulidwe a Mulungu4.

20Ngati inu munafa ndi Khristu kuchoka mu mfundo ya zotimanga za dziko lapansi, chifukwa chiyani mdziko lapansi mukhalabe pansi pa malamulo? 21Usaikepo dzanja, usalawe, usagwire, 22(zinthu zimene zili zachionongeko pozigwiritsa ntchito:) molingana ndi malamulo komanso ziphunzitso za anthu, 23(2 zimene zilidi ndi maonekedwe a nzeru m’kulambira modzipereka, ndi kudzichepetsa, ndi kuliphumphuntha thupi, osati mwaulemu wina ulionse,) posangalatsa thupilo.