Mutu-2

1Potaya pamenepo zoipa zonse ndi chinyengo chonse ndi maonekedwe onyenga ndi kaduka ndi malankhulidwe onse oipa, 2monga makanda afunitsitsa mkaka weniweni wa mau, umene mwa iwo mukhoza kukula ku chipulumutso, 3ngatidi mwalawa kuti Ambuye ndi wabwino. 4Amene pakudza kwake, mwala wa moyo, unakanidwadi ndi anthu monga wopanda phindu, koma ndi Mulungu1 wosankhika, wamtengo wapatali, 5inu nokhanso, monga miyala yamoyo, mukumangidwa nyumba ya uzimu, ansembe oyera, kupereka nsembe za uzimu zovomerezeka kwa Mulungu2 mwa Yesu Khristu. 6Chifukwa kwalembedwa m’malemba: Taonani, ndikhazika m’Zioni mwala wa pangodya, wosankhika, wa mtengo wapatali: ndipo iye amene akhulupilira pa iye sadzachititsidwa manyazi. 7Kwa inu pamenepo amene mukhulupilira muli a mtengo wapatali; koma kwa osamvera, mwala umene omanga nyumba anaukana monga wopanda phindu, umenewo wasanduka mutu wa pangodya, 8ndipo mwala wokhumudwitsa ndi thanthwe lopunthitsa; [amene] akhumudwa pa mau, nakhala osamvera ku amenenso anayikidwira iwo. 9Koma inu ndi fuko losankhika, ansembe achifumu, mtundu woyera, anthu okhala ndi cholowa, kuti mukakhazikitse zolemekeza nazo iye amene wakuyitanani kuchoka ku mdima kupita ku kuwala kwake kodabwitsa; 10amene kale simunali anthu, koma tsopano ndinu anthu a Mulungu3; amene simunalawa chifundo, koma tsopano mwapeza chifundo.

11Taonani, ndikudandaulirani [inu], monga alendo ndi anthu osakhalitsa, kuti mupewe zilakolako za thupi, zimene zichita nkhondo kutsutsana ndi moyo; 12polankhula moona mtima pakati pa Amitundu, kuti [monga ku chimene] achilankhula motsutsana nanu monga ochita zoipa, asachione kudzera mu ntchito zanu zabwino, [iwo eni] achitire umboni [izo], kulemekeza Mulungu4 m’tsiku la kuyenderedwa.

13Khalani ogonjera [pamenepo] ku zoikika zonse za anthu pachifukwa cha Ambuye; kaya kwa mfumu monga wamkulu, 14kapena kwa olamulira monga otumidwa ndi iye, kukalanga ochita zoipa, kulemekeza iwo akuchita zabwino. 15Chifukwa chimenechi ndicho chifuniro cha Mulungu5, kuti pakuchita bwino mukakhazike chete umbuli wa anthu opanda nzeru; 16monga mfulu, ndipo osati monga okhala ndi ufulu monga chovindikira cha chiwembu, koma monga akapolo a Mulungu6. 17Chitirani ulemu anthu onse, kondani abale, opani Mulungu7, lemekezani mfumu. 18Atumiki inu, mverani ndi mantha onse ambuye anu, osati kwa abwino ndi odekha okha, komanso kwa aukali. 19Pakuti ichi ndi chovomerezeka, ngati wina, chifukwa cha chikumbumtima kwa Mulungu8, pilirani zowawa, pozunzika popanda chifukwa. 20Pali ulemelero wotani, ngati muchimwa ndi kupilira mazunzo? Koma ngati, tichita zabwino ndi kuzunzika, mudzapilira, zimenezi ndi zovomerezeka ndi Mulungu9. 21Pakuti ku chimenechi munayitanidwa; pakuti Khristunso anazunzika chifukwa cha inu, kukusiyirani chitsanzo kuti inu mutsatire m’mapazi ake: 22amene sanachimwe, kapena chinyengo sichinapezeke m’kamwa mwake; 23amene, pakunyozedwa, sanabweze kunyoza; pakuvutika, sanaopsedwe; koma anazipereka okha m’manja mwa iye amene amaweruza molungama; 24amene mwini yekha anasenza machimo athu m’thupi lake pa mtengo, cholinga kuti, pokhala akufa ku machimo, ife tikakhale ndi moyo ku chilungamo: ndi mikwingwirima imeneyo inuyo mwachiritsidwa. 25Pakuti munasokera monga nkhosa, koma tsopano mwabwerera kwa m’busa ndi woyang’anira miyoyo yanu.