Mutu 4

1Chotsalira, pamenepo, abale, tikupemphani ndi kukulimbikitsani mwa Ambuye Yesu, monga umo mwalandira kwa ife m’mene mukuyenera kuyendera ndi kukondweretsa Mulungu1, monga inunso muyenda, kuti mukakhalebe koposa momwemo. 2Pakuti inu mukudziwa malangizo amene tinakupatsani kudzera mwa Ambuye Yesu. 3Pakuti chimenechi ndicho chifuniro cha Ambuye, ngakhale chiyeretso chanu, kuti mukapewe dama; 4kuti aliyense wa inu akadziwe m’mene angapezere chotengera chake mwa chiyeretso ndi ulemu, 5(osati mchikhumbokhumbo chochititsa chisoni, monganso amitundu amene sadziwa Mulungu2,) 6osati kusokoneza ufulu ndi kumnyenga m’bale wake m’menemo, chifukwa Mulungu3 ndiye wobwezera wa zinthu zonsezi, monga ifenso takuuzani kale, ndi kuchitira umboni kwathunthu. 7Pakuti Mulungu4 sanatiyitane ife ku chidetso, Komatu m’chiyeretso. 8Iye amene anyoza m’bale wake anyozetsa, osati munthu, koma Mulungu5, amenenso anapereka Mzimu Woyera kwa inu.

9Tsopano zokhudza chikondi cha pa abale palibe chifukwa kuti ife tikulembereni, pakuti inu eni munaphunzitsidwa mwa Mulungu6 kukondana wina ndi mzake. 10Pakutinso muchita ichi kwa abale onse m’Makedoniya monse; koma tikudandaulirani, abale, mumangililike koposa, 11ndi kufunitsitsa kukhala chete ndi kusamalira za inu nokha, ndi kugwira ntchito ndi manja anu, monga umo tinakulangizirani, 12kuti mukayende oona mtima pa iwo akunja, ndi kuti aliyense asakasowe kanthu.

13Komatu sitifuna mukhale osadziwa, abale, zokhudza iwo amene anagona, kuti kumapeto musakhale achisoni monganso iwo onse amene alibe chiyembekezo. 14Pakuti ngati tikhulupilira kuti Yesu anafa ndi kuukanso, chomwechonso Mulungu7 adzabwera nawo amene anagona mwa Yesu. 15(Pakuti ichi tinena kwa inu mdzina la Ambuye, kuti ife, okhala ndi moyo, amene titsalira kufikira kubwera kwa Ambuye,sitidzatsogolera amene agona tulo; 16pakuti Ambuye mwini, ndi mfuwu, ndi mau a mngelo wamkulu ndi lipenga la Mulungu8, adzatsika kuchoka kumwamba; ndipo akufa mwa Khristu adzauka koyambilira; 17pamenepo ife, okhala ndi moyo otsalafe, tidzakwatulidwa pamodzi ndi iwo m’mitambo, kukumana ndi Ambuye mlengalenga; ndipo pamenepo ife tidzakhala nthawi zonse ndi Ambuye. 18 Chotero limbikitsanani wina ndi mzake ndi mau amenewa.)