Mutu 1

1Paulo ndi Silvano ndi Timoteyo ku mpingo waku Tesalonika mwa Mulungu1 atate ndi Ambuye Yesu Khristu. Chisomo kwa inu ndi mtendere.

2Tiyamika Mulungu2 nthawi zonse chifukwa cha inu nonse, pokutchulani inu m’mapemphero athu, 3kukumbukira mosalekeza ntchito yanu ya chikhulupiliro, ndi chikondi chodzipereka, ndi kupilira kosalekeza kwa chiyembekezo, cha Ambuye wathu Yesu Khristu, pamaso pa Mulungu3 ndi Atate; 4podziwa, abale okondedwa ndi Mulungu4, kusankhidwa kwanu. 5Pakuti uthenga wathu wabwino sunali kwa inu m’mau okha, komanso mu mphamvu, ndi mwa Mzimu Woyera, ndi m’chitsimikizo chachikulu; monga umo mukudziwa chimene ife tinali pakati panu chifukwa cha inu: 6ndi kuti mukhale otsanza ife, ndi Ambuye, povomereza mau ndi chisautso chachikulu cha Mzimu Woyera, 7cholinga kuti mukakhale chitsanzo chabwino kwa onse okhulupilira m’Makedoniya ndi m’Akaya: 8pakuti mau a Ambuye anamveka kuchokera kwa inu, osati m’Makedoniya ndi m’Akaya mokha, koma malo onse amene chikhulupiliro chanu chimene chili cholunjika kwa Mulungu5 chidatulukira kunja, cholinga kuti tisataye nthawi kulankhula kanthu; 9pakuti iwo okha anafanizira za ife kuti malowedwe athu kwa inu anali otani, ndi momwe munatembenukira kwa Mulungu6 kuchoka ku mafano kutumikira Mulungu7 weniweni ndi wa moyo, 10 ndi kudikira Mwana wake kuchoka kumwamba, amene anaukitsidwa pakati pa akufa, Yesu, mpulumutsi wathu ku mkwiyo umene ukubwera.