Mutu-2

1ndipo inu, pokhala akufa mzolakwa ndi machimo anu — 2m’menemo inu munayendamo molingana ndi nyengo ya dziko lapansili, molingana ndi mkulu wa ulamuliro wa mlengalenga, mzimu amene tsopano agwira ntchito mwa ana akusamvera: 3amene mwa iwo ifenso takhala naye mu zilakolako za thupi lathu, kuchita zimene thupi ndi malingaliro athu afuna kuchita, ndipo tinali ana a mkwiyo monga ena onse: 4koma Mulungu1, pokhala wolemera m’chifundo, chifukwa cha chikondi chake chachikulu chimene anatikonda nacho, 5(pokhalanso ife akufa mzolakwa zathu,) anatipatsa moyo pamodzi ndi Khristu, (mwapulumuka mwa chisomo,) 6ndipo anatiukitsa ife pamodzi, ndipo anatipanga kukhala pamodzi m’zakumwamba mwa Khristu Yesu, 7kuti akaonetsere m’nyengo zili mkudza chuma choposa cha chisomo chake, m’kukoma mtima kwa ife mwa Khristu Yesu. 8Pakuti mwapulumutsidwa ndi chisomo, mwa chikhulupiliro; ndipo chimenechi sichikuchokera kwa inu; chili mphatso ya Mulungu2: 9osati mwa ntchito, kuti munthu asazitamandire yekha. 10Pakuti ife tili chipango chake, olengedwa mwa Khristu Yesu kuchita ntchito zabwino, zimene Mulungu3 watikonzeratu kuti tikayendemo m’menemo.

11Pamenepo kumbukirani kuti inu, mudakhalako amitundu mthupi, amene munatchedwa osadulidwa ndi iwo otchedwa odulidwa mthupi kudulidwa ndi dzanja; 12kuti nthawi imeneyo munali opanda Khristu, alendo osakhala nalo pangano la lonjezano ndi Israeli, alendo opanda chiyembekezo, ndiponso opanda Mulungu4 m’dziko lapansi: 13koma mwa Khristu Yesu inu amene poyamba munali kutali mwabwera pafupi mwa mwazi wa Khristu. 14Pakuti iye ndi mtendere wathu, amene anachita kuti onse awiri akhale m’modzi, ndipo anagumula chipupa chotchinga, 15atachotsa udani mthupi lake, mau a m’chilamulo mwa malangizo, kuti akawapange awiriwa mwa iye yekha kukhala munthu watsopano m’modzi, kubweretsa mtendere; 16ndi kuti akayanjanitse awiriwa kukhala thupi limodzi kwa Mulungu5 mwa mtanda, mwa uwo anapha mdaniwo; 17ndipo pofika, analalikira uthenga wabwino wa mtendere kwa inu amene munali kutali, ndipo [uthenga wabwino wa] mtendere kwa iwo [amene anali] pafupi. 18Pakuti kudzera mwa iye tonse awiri tili nawo malowedwe mwa Mzimu m’modzi kwa Atate. 19Pamenepo simulinso alendo ndi ogonera, koma ndinu mbadwa pamodzi ndi oyera mtima enawo, ndi a mnyumba ya Mulungu6, 20omangika pa maziko a atumwi ndi aneneri, Yesu Khristu mwini kukhala mwala wa pangodya, 21mwa iye munamangidwa pamodzi kuonjezera kachisi woyera mwa Ambuye; 22amenenso mwa iye mwamangidwa pamodzi kukhala pokhalapo Mulungu7 mu Mzimu.