Mutu 5

1Koma zokhudza nthawi ndi nyengo, abale, sikufunika kuti tikulembereni, 2pakuti inu nokha mudziwa bwino lomwe, kuti tsiku la Ambuye lidzafika monga mbava usiku. 3Pamene anena mtendere ndi chitetezo, kenako mwadzidzidzi chionongeko chidzafika pa iwo, monga ululu wa mzimayi amene akubereka mwana; ndipo iwo sadzathawa konse. 4Koma inu, abale, simuli mumdima, kuti tsikulo lisadzakuposeni ngati mbava: 5pakuti inu nonse ndinu ana akuwala ndi ana a usana; sindife a usiku kapena a mumdima. 6Chotero pamenepo tisagone monga ena onse achitira, komatu tiyeni tikhale maso ndi osaledzera; 7pakuti iwo amene agona amagona usiku, ndipo iwo amene aledzera amaledzera usiku; 8koma ife pokhala a usana, tiyeni tisaledzere, povala cha pachifuwa cha chikhulupiliro ndi chikondi, ndi chisoti cha chiyembekezo cha chipulumutso; 9chifukwa Mulungu1 sanatiyike ife ku mkwiyo, koma kukapeza chipulumutso kudzera mwa Ambuye wathu Yesu Khristu, 10amene anatifera ife, kuti kaya tikhala mkupenya kapena tigona, tikakhala pamodzi ndi iye. 11Chomwecho limbikitsanani wina ndi mzake, ndipo mumangilirane wina ndi mzake, monganso muchitira. 12Komatu tikupemphani, abale, dziwani iwo amene akugwiritsa ntchito pakati panu, ndipo akutsogolereni pakati panu mwa Ambuye, 13ndipo muwachitire iwo ulemu woposa chifukwa cha ntchito yawo. Khalani mu mtendere pakati panu. 14Komatu tikudandaulirani, abale, langizani osochera, tonthozani osweka mtima, limbikitsani ofooka, khalani oleza mtima kwa onse. 15Onetsetsani kuti aliyense asabwenzere choipa ku choipa, koma nthawi zonse mutsatire chimene chili chabwino kwa mzake ndi kwa onse; 16kondwerani nthawi zonse; 17pempherani kosaleka; 18mu zonse yamikani, pakuti chimenechi ndicho chifuniro cha Mulungu2 mwa Khristu Yesu kwa inu; 19musazime Mzimuyo; 20musanyozere ma uneneri; 21koma yesani zinthu zonse, gwiritsitsani cholondolacho; 22pewani maonekedwe onse a choipa. 23Tsopano Mulungu3 wa mtendere mwini yekha akuyeretseni inu kwathunthu: ndi mzimu wanu onse, ndi moyo wanu, ndipo thupi lisungidwe lopanda banga pa kubwera kwa Ambuye wathu Yesu Khristu. 24Ali wokhulupirika iye amene anakuitanani inu, amenenso adzachichita ichi. 25Abale tipempherereni ife. 26Alonjereni abale onse ndi chipsopsono choyera. 27Ndikulumbirirani inu mwa Ambuye kuti kalatayi iwerengedwe kwa abale onse oyera mtima. 28 Chisomo cha Ambuye Yesu Khristu chikhale ndi inu.