Mutu 3

1Pamenepo ngati munaukitsidwa ndi Khristu, funani zinthu zakumwamba, kumene kuli Khristu, wokhala kudzanja lamanja la Mulungu1: 2lingalirani zinthu zakumwamba, osati zinthu za dziko lapansi; 3pakuti inu munafa, ndipo moyo wanu wabisidwa ndi Khristu mwa Mulungu2. 4Pamene khristu anaonetsedwa amene ali moyo wathu, pamenepo inu mudzaonetsedwa naye pamodzi mu ulemelero.

5Fetsani pamenepo ziwalo zanu zimene zili padziko lapansi, dama, chidetso, zikhumbokhumbo za manyazi, chilakolako choipa, ndi kusilira, chimene chili kupembedza mafano. 6Chifukwa cha izi zomwe mkwiyo wa Mulungu3 umabwera pa ana akusamvera. 7Zimene inunso munayendamo pamene munakhala mu zinthu zimenezi. 8Koma tsopano, tayani, inunso, zinthu zonse zimenezi, mkwiyo, kupsa mtima, kaduka, mwano, malankhulidwe onyansa otuluka mkamwa mwanu. 9Musanamizane wina ndi mzake, mutavula munthu wakale ndi zintchito zake, 10ndipo mutavala munthu watsopano, kukonzedwanso mwa chidziwitso chonse chathunthu molingana ndi chifanizo cha iye amene anamlenga iye; 11pamene palibe Mhelene ndi Myuda, mdulidwe ndi kusadulidwa, wotchedwa wakunja, kapolo, mfulu; koma Khristu ndi zonse, ndi m zonse.

12Pamenepo valani, monga osankhika a Mulungu4, oyera mtima ndi okondedwa, odzala ndi chifundo, okoma mtima, odzichepetsa, odekha mtima, opilira; 13kulolerana wina ndi mzake, ndi kukhululukirana wina ndi mzake, wina akakhala ndi chifukwa ndi mzake; monga Khristu anakukhululukirani, inunso mukuyenera kuwakhululukira. 14Ndipo pamwamba pa zonsezi onjezeranipo chikondi, chimene ndi chikole cha uphumphu. 15Ndipo lolani mtendere wa Khristu ulamulire m mitima mwanu, umenenso munayitanidwa m thupi limodzi, ndipo khalani oyamika.

16Lolani mau a Khristu akhale mwa inu chichulukire, mu nzeru zonse kuphunzitsa ndi kuchenjezana wina ndi mzake, m masalimo, m mayamiko, m nyimbo za uzimu, kuyimba ndi chisomo m mitima mwanu kuyimbira Mulungu5. 17Ndipo chilichonse chimene muchita m mau kapena mu ntchito, chitani zonse mdzina la Ambuye Yesu, kulemekeza Mulungu6 Atate mwa iye.

18Akazi inu, ziperekeni kwa amuna anu, monga kuli koyenera mwa Ambuye. 19Amuna inu, kondani akazi anu, ndipo musawapsere mtima. 20Ana inu, mverani makolo anu mu zinthu zonse, pakuti chimenechi ndi chokondweretsa mwa Ambuye. 21Atate inu, musawazunze ana anu, mapeto ake kuti asakhale osweka mtima. 22Akapolo inu, mverani mu zinthu zonse ambuye anu monga mwa thupi; osati ndi chiphamaso, monga osangalatsa anthu, koma mwa kudzichepetsa kwa mtima, kumuopa Ambuye. 23Chilichonse chimene muchita, gwirani ntchito ndi mtima onse, monga mukuchitira ichi kwa Ambuye, ndipo osati kwa anthu; 24podziwa kuti kwa Ambuye mudzalandira mphoto ya cholowa; potumikira Ambuye Khristu. 253 Pakuti iye wochita cholakwa adzalandira cholakwa chimene wachichita, ndipo palibe kusankha pamenepa.