Mutu 3

1Chotsalira abale anga, kondwerani mwa Ambuye: kulemba zinthu zomwezi kwa inu, sikovuta kwa ine, koma kwa inu kusamalira. 2Onani agalu, onani anthu ochita zoipa, onani olimbikitsa mdulidwe. 3Pakuti ndife mdulidwe, amene tilambira mwa Mzimu wa Mulungu1, ndi kudzitamandira mwa Khristu Yesu, ndipo musakhulupilire m’thupi. 4Ngakhale ndili nako kukhulupilira m’thupi; ngati alipo wina aganiza zokhulupilira m’thupi, makamaka ineyo: 5monga wodulidwa, [ndinalandira chimenechi] tsiku lachisanu ndi chitatu; wa m’badwo wa Israeli, wa fuko la Benjamini, m’Heberi wa mwa Aheberi; monga mwa lamulo, mfarisi; 6monga mwa machawi, kuzunza mpingo; monga mwa chilungamo chimene chili mu lamulo, kupezedwa wopanda banga; 7koma zinthu zimene zinali phindu kwa ine zimenezi ndinaziwerengera zosapindulitsa chifukwa cha Khristu. 8Koma zoonadi ndiyesanso zinthu zonse kukhala zosapindulitsa chifukwa cha chipambano cha chidziwitso cha Khristu Yesu Ambuye wanga, pa chifukwa cha iye amene ndinataya zinthu zonse, ndi kuzitenga ngati nyansi, kuti ndikapindule Khristu; 9ndi kuti ndikapezeke mwa iye, osati kukhala ndi chilungamo changa, chimene chikhala pa mfundo ya lamulo, koma chimene chili pa chikhulupiliro cha Khristu, chilungamo chimene chili cha Mulungu2 mwa chikhulupiliro, 310kumdziwa iye, ndi mphamvu ya kuuka kwake, ndi chiyanjano cha mazunzo ake, kufanizidwa ku imfa yake, 11ngati mwanjira ina iliyonse ndifika ku chiukitso cha pakati pa anthu akufa. 12Osati kuti ndaipeza kale mphotoyo, kapena kuti ndapezeka kale waphumphu; komatu ndilimbikabe, ngatinso kuti ndikatenge cholowa pa ichi, poona kuti nanenso ndatengedwa kukhala cholowa cha Khristu Yesu. 13Abale, sindiziwerengera ndekha kuti ndapeza kale cholowa changa; koma chinthu chimodzi — kuiwala zinthu zonse za m’mbuyo, ndi kutambasulira manja zinthu za mtsogolo, 14Ndilimbikabe, kupenyetsetsa cholingacho, ku mphoto ya mayitanidwe a pamwamba a Mulungu3 mwa Khristu Yesu. 15Monga ambiri pamenepo ali angwiro, tiyeni tikhale nawo malingaliro omwewa; ndipo ngati muli ndi malingaliro ena, amenewa Mulungu4 adzakuvumbulutsirani. 16Koma chimene ife tachipeza, tiyeni tiyende m’mayendedwe omwewa. 17Khalani nonsenu onditsanza ine, abale, ndipo lunjikitsani maso anu pa iwo akuyenda motero monga mwationa ife kukhala chitsanzo; 18(pakuti ambiri amayenda monga ndakhala ndikukuuzani kawirikawiri, ndipo tsopano ndikuuzani ngakhale molira, kuti iwowa ali adani a mtanda wa Khristu: 19amene chitsiriziro chawo ndi chionongeko, amene mulungu5 wao ndi mimba yawo, ndipo ulemelero wawo uli m’manyazi awo, amene amasamala zinthu za dziko lapansi:) 20Pakuti ufulu wathu umapezeka kumwamba, kumenenso ife tidikira Ambuye Yesu Khristu monga Mpulumutsi, 213 amene azasanduliza thupi lathu lonyozeka kufanana ndi thupi lake la ulemelero, molingana ndi kagwiridwe ntchito ka mphamvu imene iye anagonjetsera zinthu zonse kwa iye yekha.